საორსა გლობალში ღრმად გვწამს, რომ ქალთა მხარდაჭერა და გაძლიერება ჩვენი სახელმწიფოს წინსვლის უპირობო ამოსავალი წერტილია. როგორც კი ამ მიმართულებით აქტიური და ქმედითი ნაბიჯების გადადგმა დაიწყება, სიტუაცია მაშინვე სასიკეთოდ შეიცვლება. რასაკვირველია, ეს ყოველივე პირდაპირპროპორციულად აისახება ქვეყნის ეკონომიკურ წინსვლასა და განვითარებაზე. დიდი ხანია, დროა, ქალთა შრომა აღიარონ და სათანადოდ დააფასონ.
მოხარული ვართ, რომ საქართველოში შეიქმნა ქალთა ეკონომიკური გაძლიერების სახელმწიფო კონცეფცია და გიზიარებთ მის ფარგლებში განსაზღვრულ მიმართულებებს:
- ეკონომიკურ რესურსებზე თანაბარი წვდომა;
- ჩრდილოვანი ეკონომიკიდან ქალების ფორმალურ ეკონომიკაში გადმოყვანის ხელშეწყობა;
- კერძო სექტორში დასაქმების პრაქტიკის გაუმჯობესება;
- გენდერულად მგრძნობიარე სამართლებრივი ჩარჩოს გაძლიერება;
- ჩრდილოვან ეკონომიკაში დასაქმებული ქალების ეკონომიკური საქმიანობის ფორმალიზების წახალისება;
- საჯარო სექტორის შესყიდვების და დასაქმების პრაქტიკის გაუმჯობესება;
- აუნაზღაურებელი და ზრუნვის შრომის აღიარება, შემცირება და განაწილება;
- წინააღმდეგობრივ სოციალურ ნორმებთან ბრძოლა.
Georgian 
English