სერვისები

სხეული/გონება/ზრუნვა - საორსას განათლების მოდელი

საორსას განათლების მოდელი ეფუძნება პიროვნების პოზიტიური ტრანსფორმაციის ხელშეწყობას და გაძლიერებას. მოდელის მიზანი მნიშვნელოვან ყურადღებას ამახვილებს ხარისხიან განათლებაზე, რომელიც ავითარებს ადამიანების შემეცნებას და პოზიტიურ ქცევას (სხეული), აუმჯობესებს მათ ემოციურ ინტელექტს, ემპათიას და პოზიტიურ აზროვნებას (გონება); ასაზრდოებს ძირითად სოციალურ-პროფესიულ უნარებს და პოზიტიურ გრძნობებს (ზრუნვა).

საორსას სასწავლო პროგრამები და სერვისები არის წარმატებული კარიერის და ბედნიერი ცხოვრების გზამკვლევი. საგანმანათლებლო მოგზაურობათა შთაგონების მიღებისა და ინდივიდუალური გაძლიერებისთვის საორსას სასწავლო მიდგომა ქმნის კარიერულ და პროფესიულ კონსულტაციათა ჯაჭვს, რომელიც ხელმისაწვდომს ხდის ჯანსაღი, სწრაფი და ეფექტური გადაწყვეტილებების მიღებას.

საგანმანათლებლო პროგრამები

პროფ-ორიენტაცია და კარიერული განვითარება მოსწავლეებისთვის/ახალგაზრდებისთვის

საკუთარ თავთან და საზოგადოებასთან ჰარმონიული ურთიერთობისა და სიმშვიდის შესანარჩუნებლად მნიშვნელოვანია პროფესიული საქმიანობის ცხოვრებაში წარმატებით ინტეგრირება. ჩვენ გეხმარებით თქვენ, ნებისმერ ასაკსა და ცხოვრების ნებისმიერ ეტაპზე, მიიღოთ განათლებასთან , გადამზადებასთან და დასაქმებასთან დაკავშირებული გადაწყვეტილებები - კარიერული ბედნიერებისთის. ჩვენი კარიერული განათლება გაძლევთ შესაძლებლობას შეიძინოთ კარიერის მართვის უნარები, მიიღოთ ეფექტური გადაწყვეტილებები მოკლე დროში და მიაღწიოთ თქვენს დასახულ კარიერულ მიზნებს. აიხდინეთ ოცნებები და კარიერული სურვილები აქ და ახლა.

დასაქმების უნარები

როგორ ვიპოვო იდეალური სამუშაო? სად და როგორ შეიძლება დავსაქმდე? დაეუფლე დასაქმებისთვის ყველა საჭირო უნარს, გაიუმჯობესე პროფესიული უნარები და გახადე დასაქმება სასიამოვნო პროცესი. ჩვენ დაგეხმარებით გახდეთ დამოუკიდებელი, გაბედული და წარმატებული. ჩვენთან კარიერული წინსვლა ხელმისაწვდომი ხდება ადგილობრივ, ცენტრალურ და გლობალურ დონეზე.

ციფრული უნარები

ჩვენ გთავაზობთ ციფრული უნარების პროგრამას, რომელიც დაგეხმარებათ პროფესიულ განვითარებაში. შექმენით ჩვენთან ერთად თქვენი რეზიუმე, გაიგეთ ციფრული პროდუქტების შესაძლებლობების შესახებ და აღმოაჩიენთ თუ როგორ შეიძლება ციფრული უნარების გამოყენება განათლებისა, დასაქმებისა და პროფესიული განვითარების პროცესში.

მენეჯმენტი

გსურთ შეიძინოთ საუკუნის პროფესია? გახდეთ წარმატებული მენეჯერი? გაუძღვეთ გუნდს და უხელმძღვანელოთ კომპანიის განვითარებას? ეს არის პროფესია, რომელიც ქმნის ღირებულებას და დასაქმების ყველა სფეროს სჭირდება.

მეწარმეობა

გახდით საკუთარი დროისა და შრომის ავტორი. დაეუფლე სამეწარმეო უნარებს, გაიგე დაფინანსების შესაძლებლობების შესახებ და ჩაერთე სამეწარმეო საქმიანობაში.

ლიდერობა

თანამედროვე სამყარო საზრდოობს და ვითარდება წარმატებული ლიდერებით, რომლებიც ცვლიან სამყაროს უკეთესობისკენ. შენ შეგიძლია გახდე ლიდერი, შეიძინო ექკლუზიური გამოცდიელება და იყო მონაწილე მსოფლიო განვითარების პროცესების. ისწავლე და იმოქმედე სოციალური ცვლილებებისთვის. დროა, აღმოაჩინო შენი ძალა.

პროექტების წერა

გაქვს იდეა და გჭირდება დაფინანსების მოპოვება? შექმენი შესაძლებლობების ახალი ჰორიზონტი, მოიპოვე დაფინანსება და განახორციელე პროექტი საქართველოსა თუ მის ფარგლებს გარეთ. აქციე იდეა გეგმად.

სამუშაოს შესრულების ინდიკატორები და მოტივაცია ხელმძღვანელებისთვის

აღმოაჩინე თანამშრომელთა ფსიქოტიპები, ქცევები, ფიქრები, გაეცანი მოტივაციის ვარკსვლავს, ფუნდამენტურ მიზნებს და შექმენი სამყარო, სადაც შრომა უხარიათ და თქვენი გადაწყვეტილებები აუმჯობესებს ორგანიზაციულ კულტურას.

ფოტოგრაფია

შეისწავლე ფოტო და ვიდეო კამერასთან მუშაობის სპეციფიკა, მისი სწორი და ეფექტური გამოყენება, ასევე ასპექტები, რომლის ცოდნა კამერასთან მუშაობაში, გადაღებისთვის და ამ სფეროში შემდგომ განვითარებისთვის მნიშვნელოვანი და ღირებულია. კურსი მოიცავს როგორც გადაღების, ამავდროულად, გადაღებისთვის აუცილებელ გარემო/პირობების პრაქტიკულ სწავლებას , რაც გულისხმობს როგორც თეორიულ, ისევე პრაქტიკულ მუშაობას.

კვლევის დიზაინი და განხორციელება

ნებისმიერ დროს სანდო და მნიშვნელოვანი მონაცემები აქ შეგიძლიათ მოიპოვოთ. გაქვთ შესაძლებლობა მონაცემსა და ობიექტურ ანალიზზე დაფუძნებულ შედეგებს დაეყრდნოთ . კვლევის დიზაინი არის პროგრამა, რომელსაც ვიყენებთ მონაცემთა შეგროვებისას, ანალიზისას და ინტერპეტირებისას. ეს არის საერთო სტრატეგია, პირობების ან შეგროვების მოწყობა, რომელიც გვეხმარება კვლევის განსახორციელებლად.

ბულინგის პრევენცია და ინტერვენცია საგანამანთლებლო გარემოში

გარემო და ადამიანები წარმატების ერთ-ერთ საყრდენ ძალას წარმოადგენს. მნიშვნელოვანია, ჩვენი ინტელექტუალური მარაგები და კომპეტენციები შემოგთავაზოთ, რომელიც დაგეხმარებათ დაეუფლოთ უნარებს, ტექნიკებსსა და სტრატეგიებს ბულინგის პრევენციისთვის და დროული ინტერვენციებისთვის, რათა მშვიდობიან გარემოში შრომა და განვითარება ყველასთვის თანაბრად ხელმისაწვდომი გახდეს.

პოზიტიური მშობლობა

რა გამოწვევების წინაშე დგას დღეს მშობელი? როგორ და რა მიდგომებით შეგიძლიათ, უპასუხოთ ამ გამოწვევებს? თქვენ შესაძლებლობა გეძლევათ მიიღოთ ცოდნა და გამოცდილება, დაამყაროთ ძლიერი და პოზიტიური ურთიერთობა შვილებთან, აღიჭურვოთ ისინი მნიშვნელოვანი უნარებითა და ახალი აღმოჩენებით, რომლებიც შთაგონებულია პოზიტიური მშობლობის იდეით.

ჯგუფური ფსიქოთერაპია მოზარდებისთვის/ახალგაზრდებისთვის

გსურთ, გაიგოთ პიროვნული ზრდა-განვითარების პროცესებში გამოწვევებისა და მათი გამკლავების სტრატეგიების შესახებ? საორსაში გულწრფელად გვესმის თქვენი, შეგვიძლია მეგობრობა და მხარდაჭერა. თქვენ აქ ისწავლით თვითშემეცნებას, ემოციების რეგულაციას, ინტერპერსონალურ ურთიერთობებს და საკუთარ თავთან ჰარმონიაში ყოფნას.

ინკლუზიური განათლება

საორსა გთავაზობთ ინკლუზიური განათლების მიმართულებით პედაგოგების გაძლიერების პროგრამას. სასწავლო მოდულების გავლის შემდეგ, შეძლებთ მესამე თაობის ეროვნულ სასწავლო გეგმაზე დაყრდნობით, შეიმუშაოთ თქვენი მოსწავლეებისთვის ინდივიდუალური სასწავლო გეგმა ( აღწეროთ მოსწავლის აქტუალური დონე, გაწეროთ მიზნები, შეიმუშაოთ ადაპტირებული კომპლექსური დავალებები და მოსწავლე შეაფასოთ განმავითარებელი შეფასებით), ასევე, გაიგებთ სხვადასხვა სტრატეგიასა და მეთოდს, რომლის გამოყენებითაც გაგიმარტივდებათ მოსწავლეებთან დასახული მიზნის მიღწევა და მათი ადაპტირება სასკოლო თუ საზოგადოებრივ ცხოვრებაში.

ადამიანური რესურსების მართვა

თანამედროვე პროფესია, რომელიც გთავაზობთ დასაქმების უწყვეტობასა და ზრუნვის ახალ პრაქტიკებს თანამშრომელთა აყვანის, მათი გაძლიერების და კომპანიების შრომის პოლიტიკების შექმნის მიმართულებით. საორსა გთავაზობთ ყველა ინოვაციურ მიდგომას და ცოდნას ჯანსაღი პროფესიული კულტურის შექმნისა და წარმატებული კარიერისთვის.

საკონსულტაციო სერვისები

კარიერული კონსულტაცია

პროფესიები და საგანმანათლებლო დაწესებულებები; დასაქმების და თვით-დასაქმების შესაძლებლობები; კვალიფიკაციების ამაღლების შესაძლებლობები; გაცვლითი პროგრამები; მოხალისეობრივი შესაძლებლობები საქართველოსა და საზღვარგარეთ

კარიერული თერაპია

პიროვნების ფსიქოტიპის და პროფესიული ინტერესების შეფასება, ინდივიდუალური პროფესიული და კარიერული განვითარების გეგმა, მიზნების მიღწევა, შრომითი და პროფესიული ურთიერთობები, კონფლიქტების მართვა, სტრესის მართვა, თვითშემეცნება და გადაწყვეტილების მიღება

სპეციალური განათლების სპეციალისტის კონსულტაცია

ბავშვის ისტორიის შესწავლა, მისი საჭიროებების გამოკვეთა იდენტიფიცირება, შესაბამის სპეციალისტთან გადამისამართება, საჭირო პროგრამაში ჩართვისთვის შესაბამისი ინფორმაციის მიწოდება. მშობელს და მასწავლებელს რეკომენდაციები რა როგორ გააკეთოს ბავშვთან უკეთესი შედეგისა და წინსვლისთვის

სამართლებრივი კონსულტაცია

შრომითი უფლებები, საკუთრების უფლება, ქალთა მიმართ ძალადობა, ბავშვთა მიმართ ძალადობა, ლგბტქი+ პირთა მიმართ ძალადობა, შეზღუდული შესაძლებლობის მქონე პირთა მიმართ ძალადობა, სამუშაო ადგილას გენდერული დისკრიმინაცია და სექსუალური შევიწროება, ბაღში და სკოლაში ბავშვთა უფლებების დაცვა

ფსიქოლოგის კონსულტაცია

ემოციური კეთილდღეობა და ემოციების რეგულაცია, ტრავმა-ინფორმირებული მხარდაჭერა, პიროვნული ზრდა და თვითგამორკვევა, კომუნიკაციის უნარების განვითარება, ტრანზიციიის პროცესში ნავიგაცია

ორგანიზაციული მართვა და განვითარება

არსებული ორგანიზაციული სტრუქტურის და მენეჯმენტის შეფასება, ორგანიზაციის მისია, ხედვა, მიზნებთან მისი თანხვედრა, თანამშრომელთა კმაყოფილების შეფასება, თანამშრომელთა სამუშაოს შესრულების შეფასება და სამოტივაციო პროგრამების დანერგვაში ხელშეწყობა, ახალი მმართველობის სტრუქტურის შეთავაზება, პოლიტიკის დოკუმენტების შემუშავება